Menu Close

HEAVY CASPIAN 2018 xalqaro konferensiyasida

7-chi «HEAVY CASPIAN 2018» xalqaro konferensiyasi 26-aprel kuni yakunlandi. U O’zbekistonning Toshkent shahrida bo’lib o’tdi.

Toshkent «HEAVY CASPIAN» konferensiyasiga ikkinchi marta mezbonlik qildi va bu tasodif emas. So’nggi to’qqiz yil ichida O’zbekiston neft, gaz va energetika inshootlarini qurish va rekonstruksiya qilish kabi 600 dan ortiq strategik loyihalarni amalga oshirdi. 2019-yilga kelib, O’zbekiston yana 900 ta yangi sanoat loyihasini amalga oshirishni rejalashtirmoqda, ularning umumiy qiymati 41 milliard dollarni tashkil etadi.

Bu yilgi konferensiyada Qozog‘iston, Rossiya, O‘zbekiston, Turkmaniston, Belarus, Latviya, Gruziya, Turkiya va Germaniyadan 90 ga yaqin delegat qatnashdi.

Konferensiya “LS Heavylift” kompaniyasining taqdimoti bilan boshlandi. Ular Poti portidan Gruziyaning Gori shahri hududiga shamol elektr stansiyasi uchun turbina komponentlarini yetkazib berish loyihasini amalga oshirdilar. Bu Gruziyada hozircha birinchi shunday loyiha bo‘lib, katta e’tibor qozondi.

“DAKOTRANS” kompaniyasi bosh direktori Aleksandr Krivosheyev Kavkaz hududi bo‘ylab yirik yuklarni tashish mavzusida chiqish qildi. U Sankt-Peterburgda ishlab chiqarilgan turbogeneratorni Armaniston AESga yetkazib berish tajribasi haqida batafsil ma’lumot berdi. Yuk dastlab dengiz orqali Poti portiga, so‘ngra temir yo‘l orqali AES maydonchasiga yetkazilgan.

“A.R.T. Business Group” kompaniyasining temir yo‘l yuk tashish bo‘limi boshlig‘i Lyudmila Melnikova Xitoydan Tojikistondagi Rog‘un GES qurilish maydonchasiga uskunalarni yetkazib berish bo‘yicha o‘z tajribasini bo‘lishdi. U tranzit yuklarni bojxona tartibga solish masalalariga alohida to‘xtaldi.

“Aksess Uorld Transport” kompaniyasi bosh direktori Nilufar Tagaeva Osiyo gaz quvuriga mo‘ljallangan yirik hajmdagi yuklarni tashish loyihasi haqida gapirdi. Kompaniya Rolls Royce turbinalarining qismlarini Samaradan Qozog‘istonga yetkazdi. Har bir qismning og‘irligi 59 tonnani tashkil etdi, o‘lchamlari esa 11,18 m (uzunlik) × 4,88 m (kenglik) × 4,34 m (balandlik) bo‘ldi.

“Glogos Proekt” kompaniyasi direktori Konstantin Grinevich Kaspiy mintaqasida loyihaviy yuklarni tashish bilan bog‘liq muhim jihatlarga to‘xtaldi. U Volga-Don kanali va Gruziya portlaridan Ozarbayjonning Boku portiga yo‘nalishdagi tunnel cheklovlari haqida batafsil ma’lumot berdi. Shuningdek, Qora dengizdagi yuk ortish- tushirish portlariga ham tavsif berildi.

“Petro-Hehua” kompaniyasi vakili Yevgeniy Klykovskiy Xitoy – Qozog‘iston – Orenburg yo‘nalishi bo‘ylab 1000 tonnalik burg‘ilash qurilmasini yetkazib berish tajribasi bilan o‘rtoqlashdi.

Konferensiyaning alohida bo‘limi Turkiyaning transport kompaniyalari tomonidan Markaziy Osiyoga loyihaviy yuklarni yetkazib berish tajribasiga bag‘ishlandi. “HAREKET HEAVY LIFTING & PROJECT” (Janubiy Iolotan loyihasi uchun uskunalarni yetkazib berish) va “Mağdenli” (Boku-Tbilisi-Jeyhan quvur liniyasi uchun katta diametrli quvurlarni yetkazib berish) kompaniyalari vakillari o‘z loyihalari haqida so‘zlab berishdi.

Konferensiyaning ikkinchi kuni ishtirokchilar uchun Toshkent bo‘ylab ekskursiya tashkil etildi va milliy restoranda tushlik uyushtirildi.