Toshkent avtomobil va yo’l qurilishi instituti qoshidagi Logistika konsalting markazi o’zining so’nggi «Transport logistikasi» o’quv kursini o’tkazdi.
Kurs transport logistikasi bo’yicha ilg’or o’qitish bo’yicha xalqaro va milliy standartlarga muvofiq ishlab chiqilgan va zamonaviy transport haqidagi asosiy bilimlarning to’liq doirasini qamrab oladi.
Kurs dasturi transport kompaniyalari, logistika markazlari, korxona logistika bo’limlari va tashqi savdo xizmatlari rahbarlari va xodimlari; xalqaro savdo va yuk tashish sohasida ishlaydigan yoki ishlashni rejalashtirayotgan mutaxassislar uchun mo’ljallangan.
O’quv dasturida ko’rib chiqiladigan asosiy yo’nalishlar:
- Logistikaga kirish. Transport logistikasi: ko’lami, maqsadlari, vazifalari va mavzusi
- Yuklarning transport xususiyatlari: asosiy yuk tasniflari, hajmli va massaviy xususiyatlari hamda yuklarning asosiy fizik va biokimyoviy xususiyatlari
- Xavfli yuklarni tashishni tashkil etish
- Transport logistikasida axborot texnologiyalari
- Avtomobil transporti
- Temir yo’l transporti
- Havo transporti
- Incoterms-2010 – sotuvchi va xaridorning javobgarlik va xavf sohalarini aniqlash
- Bojxona operatsiyalari
- Yuklarni, transport vositalarini sug’urtalash va tashuvchining javobgarligi
Kursni muvaffaqiyatli tugatgandan so’ng, talabalarga «Transport logistikasi» dasturi bo’yicha malaka oshirish sertifikati beriladi.
«Turksib Magistral» MChJ bosh direktori «Katta o’lchamli yuklarni multimodal tashish» mavzusida ma’ruza o’qish uchun taklif qilindi.
Kompaniyamiz kurs tashkilotchilariga bosh direktorimizga o’quv dasturida ma’ruzachi sifatida ishtirok etish imkoniyati uchun minnatdorchilik bildiradi.







